El Gobiernu del Principáu anició esta selmana les obres de meyora del cruce ente la carretera AS-237(Aviles-Grau) y el camín de La Llaguna, nel conceyu d’Illes, con un plazu d’execución de dos meses. Los trabayos, axudicaos en 67.730 euros a Tratamientos Asfálticos S.A., van permitir aumentar la visibilidá al reubicar l’entronque nuna recta a unos 50 metros.
L’actuación consiste na construcción d’una intersección nueva en forma de «T» nun puntu con mayor visibilidá de parada y cruce. Van realizase trabayos d’escavación, rellenu, asfaltao y tamién instalación de bordillos y señalización de la zona afectada. Tamién va ser necesariu treslladar una zona de recoyida selectiva de basures asitiada nel puntu onde se faen les obres.
