El Conceyu de Xixón entamó ne mañana de güei los primeros trabayos de roza y caltenimientu de les siendes verdes del conceyu previstos pa anguaño. Foi na Vía Verde, que va permanecer cortada al tránsitu ente les 8.00 hores y les 16.00 hores mientres los siguientes itinerarios:
– Llunes14 Marzu: Dende l’Área de La Camocha hasta’l cruce col camín de La Quintana o cruce de Mareo (primer cruce pasáu el túnel).
– Martes15 Marzu: Dende’l cruce col camín de La Quintana hasta’l aparcamientu del Polígonu de Roces (cai Louis Pasteur).
– Miércoles 16 Marzu: Dende’l aparcamientu del polígonu de Roces hasta’l final de la Vía Verde.
Un equipu d’ocho persones van encargase de llevar a cabo les llabores con motodesbrozaores y sopladores más dos segadores y tractor desbrozador.
Forma parte del contratu de caltenimientu del Arcu Medioambiental qu’inclúi actuaciones tamién na sienda Fluvial, la sienda del Peñafrancia y la sienda de Serín. Tal que señaló’l conceyal de Caltenimientu y Obres Públiques, Llamera Ron, la llimpieza siguida añal d’estes rutes dexa que les persones usuaries puedan esfrutar d’elles en bones condiciones mientres tol añu. Ron recordó qu’amás de los trabayos de roza, siega, retirada de tueros y llimpieza polo xeneral, reparar pasareles de madera, pontes y barandielles y realícense actuaciones sobro’l pavimentu, moblame y señalización.
