VESU acaba d’activar la posibilidá de mercar entraes de día pa la presente edición del festival. Dende esti mediodía les entrades pa poder asistir el vienres 21 de xunu a los conciertos nel Escenariu Vibra Mahou de Derby Motoreta’s Burrito Kachimba, La Milagrosa, Tatta & Denso y Johnny Garso tán a la venta a un preciu de 23€+GG.
Tamién ye posible adquirir les entraes pa los conciertos del sábadu, con Xoel López a la cabeza, arodiáu de Fillas de Cassandra, Carlos Ares, Hologramma, Elena del Frade y los alemanes Komfortrausche. Les entraes pal sábadu 22 de xunu tienen un coste de 29€+GG.
Toles modalidaes de entrada tan a la venta a través de la web www.vesu.es. Amás del cuartu tramu d’abonos a 44,95€ (+GG). En tolos casos, les entraes van poder canxease por pulseres d’accesu y pagu nel festival.
VESU, que se va cellebrar ente’l vienres 21 y el domingu 23 de xunu, va volver a tener el sofitu de Vibra Mahou, la plataforma de música de Mahou Cinco Estrellas que xenera alcuentros en tornu al directo, demostrando una vez más el so compomisu con Asturies y la música.
La Central Artística de Bueño (CAB) en Ribera d’Arriba y los Xardines de La Rodriga nel corazón d’Uviéu van acoyer tolos conciertos d’esta edición.
