Más de dos años y mediu dempués de los sos últimos conciertos, Fito & Fitipaldis vuelven a la carretera con “Aullidos Tour”, una estensa xira que va percorrer 28 ciudaes del estáu y na que, amás de repasar los grandes ésitos de la so carrera, van presentar el so nuevu álbum «El monte de los aullidos». Les entraes van poner a la vienta’l martes, 29 d’abril a les 10h00 en livenation.es, fitoyfitipaldis.com y ticketmaster.es
La xira va empezar en Santander en payares de 2025 y va pasar per Xixón el día 20 d’avientu. Fito & Fitipaldis atópense anguaño grabando lo que va ser el so nuevu discu «El monte de los aullidos», el so octavu trabayu d’estudiu, que la so publicación s’espera pa la próxima seronda.
