El Conceyu de Gozón y el Café lanar Pompón de Lluanco entamen una actividá creativa con motivu del Día Internacional de la Muyer sol lema ‘Gozón texe pola igualdá’. L’oxetivu ye consiguir el mayor númberu de cuadraos de 30×30 cm texíos con puntu o ganchiyu de color moráu pa darréu xuntalos y crear una única pieza que va decorar el 8 de marzu la zona arbolada próxima a la Casa Consistorial. Pa ello, van entamase dos talleres presenciales p’adultos nel local del café na cai Uviéu nº8, el vienres 25 de febreru y 4 de marzu de 17 a 19 hores y un taller infantil el domingu 6 de marzu de 12 a 13.30 hores. Colos neños y neñes tamién se van diseñar otros materiales como pompones, guirlandes y cartelos que van sirvir pa completar la creación principal y que se van asitiar en más puntos del conceyu.
Coles mesmes, ye posible participar por llibre, ensin allegar a los talleres. Les persones comenenciudes van disponer de llana gratuito nel establecimientu de llunes a vienres n’horariu de 9.30 a 14 hores y de 16.30 a 20 hores (sábados de mañanes). Ellí mesmo han d’apurrir la resultancia realizada hasta’l 4 de marzu. Pa l’actividá infantil ye obligatoriu inscribise primeramente n’horariu d’apertura o nel teléfonu 676 78 63 89.
