Un incendiu xamuscó esta mañana un almacén na primer planta d’un colexu allugáu na plaza Legazpi, d’Avilés. El fueu quemó casi la totalidá de los enseres. Nenguna persona resultó afectada. Los bomberos, n’escastando’l fueu, revisaron el restu de les clases para comprobar que nun resultaron afectaos. Los alumnos, dende un primer momentu, fueron desallugaos al patiu, según indicó la mesma directora al llamar al 112.
El Centru de Coordinación d’Emerxencies del 112 Asturies recibió l’avisu a les 09.22 hores. Na llamada señalaben que taba quemando una estancia qu’usaben como almacén nel colexu. Los alumnos fueren desallugaos al patiu. La Sala 112 del SEPA movilizó una dotación de Bomberes del SEPA del parque d’Avilés que se treslladó al llugar con una autobomba urbana y una autoescalera. A les 09.37 hores los bomberos dieron per controlada la quema y a les 10.02 escastada. La dotación revisó delles estancies qu’había al llau de l’afectada para comprobar que nun se rexistraren daños. Tres ventilar el llugar, con ayuda d’un ventilador de presión positiva y abalizar la zona, retiraron pa tornar a la so base.
