Iniciativa pol Asturianu amosaba ayeri el so sofitu a Adrián Pumares, tres les declaraciones del diputáu de Foro Asturies en favor de la’aprobación de la reforma estatutaria, mientres el Debate d’Orientación Política.
El presidente de l’asociación cree que «tamos nun momentu mui importante pa la reivindicación del idioma y nun queremos que naide quede atrás. Queremos reconocer la valentía de dar esti pasu nel consensu constitucional pa salvar les nueces llingües. Foro Asturies vuelve a la postura orixinal de defensa del idioma que tuvo na so fundación y la mas coherente cola so ideoloxía. Agradecemos fonderamente esti pasu alantre y ofrecemos la nuesa collaboración con Adrián Pumares y Foro pa trabayar y aprobar el nuevu Estautu d’Autonomía incluyendo la oficialidá del idioma».
Tres 40 años de reivindicación social, la oficialidá del asturianu y del gallego-asturianu tien nestos momentos la meyor situación, col apoyu de los 27 diputaos necesarios pa reformar l’estatutu d’autonomía.
