José Alberto nun concedió mayor importancia a la derrota del Sporting énte «un equipu más rodáu que nós, con más selmanes de preparación, y que ye bien físicu». Sí conceder a otros aspeutos. Na so cabeza ta «dar continuidá a los bonos momentos del equipu», pa lo que fala de «siguir trabayando coses qu’inda nos falten, magar yá dispunximos de más ocasiones qu’en Salamanca». Considera que’l vientu tuvo tamién una clara incidencia nel desenvolvimientu del partíu.
Preguntáu por Marc Valiente, que debutó col Sporting: «Nun actuó mientres munchos minutos, pero pudo vese qué xugador ye, cola so calidá, la so salida de balón; toi seguro de que nos apurrirá enforma». Tamién espera enforma de Manu García, que «inda nun ta al cincuenta per cientu: precisa del so tiempu».
Sobre’l 4-3-3 que repitió como sistema tácticu, apuntó que-y gusta, pero que va trabayar dalguna variante más. En cuanto al penalti, col qu’el Nantes llogró’l so primer gol, dixo que «dende la mio posición nun puedo valoralo, pero los mios xugadores asegúrenme que nun lo foi».
