Una edición que superó tolos récords. Metrópoli cierra les sos puertes nel so sestu añu del festival con un ésitu atayante de visitantes que superó en demasía les cifres del añu pasáu. Unes 385.000 persones pasaron mientres estos diez díes poles esposiciones, la Comic Con, la zona de gastronomía y los conciertos.
Dende’l primer día, cola Batalla de los Gallos y Mala Rodríguez, pasando polos espectáculos de Camela, Andrés Calamaro o Beret, les nueches musicales de Metrópoli fueron les grandes cites del festival. Beret batió los récords la nueche del 4 de xunetu con unos 20.000 espectadores. Esti domingu Juanes peslló’l festival como una de les cites fuertes d’esta edición con 47.000 asistentes mientres la xornada.
El xueves 4 de xunetu abrieron les puertes de la Comic Con y hasta esti domingu miles de persones pasaron a visitar a el autores de cómic de Marvel y Dc Cómics convidaos a la convención y los actores de Xuegu de Tornos, V y star Wars.
Tan solo unos minutos dempués de qu’abrieren les puertes el pabellón dedicáu a la convención, cientos de fans faíen coles por qu’autores como Howard Chaykin, Ángel Unzueta, Karl Kesel, o Salva Espín robláren-yos el so exemplares. Esti postreru, foi unu de los invitaos que más fans axuntó al pie de el so stand mientres estos cuatro díes. Los actores volvieron demostrar que les grandes sagues del cine y la televisión cunten con incondicionales fans, por ello, Marc Singer, Richard Brake y Jimmy Vee tamién cuntaron con dellos alcuentros, firmes y semeyes mientres tou la fin de selmana.
