L.E.V. Festival (Llaboratoriu d’Electrónica Visual) celebra la so 18a edición en Xixón del 1 al 5 de mayu de 2024. Col sofitu del Conceyu de Xixón y el Principáu d’Asturies, el festival cumple la so mayoría d’edá convirtiendo una vegada más la ciudá asturiana nel llugar de referencia para afayar la cara más heterodoxa de la esperimentación sonora electrónica y la creación audiovisual, escénica y dixital contemporanea.
Con cinco díes de programación, unu más que n’ediciones anteriores, la propuesta d’anguaño va ocupar múltiples sedes de la ciudá, poniendo especial fincapié nes performances audiovisuales y les actuaciones musicales, pa les que’l festival anuncia agora los sos primeros nomes. Al pie de instalaciones audiovisuales y actividaes al rodiu de les realidaes estendíes, que se van anunciar llueu, el festival sigue consolidándose como una de les cites imprescindibles de la creatividá audiovisual y electrónica más escepcional, tanto a nivel nacional ya internacional.
Col sofitu del Conceyu de Xixón y el Principáu d’Asturies, el festival va ufiertar cinco díes de programación en distintes sedes de la ciudá, con un line up d’artistes locales, nacionales ya internacionales nel que los conciertos y les performances audiovisuales volverán ser los grandes protagonistes. Ente los cabeces de cartelu de la 18a edición, que van actuar nel Teatru de la Llaboral, la Nave de Llaboral Centru d’Arte y el Muséu del Pueblu d’Asturies, atopamos a Aïsha Devi, Martin Messier, Evian Christ o Myriam Bleau, en collaboración con Nien Tzu Weng, a los que se suman Rrucculla, Ensin Maldita & Lei, Cachito Turulo, Riccardo Giovinetto, Jacques, Puce Mary, LCY y Bromu nesti primer avance de programación.
Les entraes yá tan a la venta en www.levfestival.com
