La Conseyería de Salú confirma 101 nuevos casos de coronavirus detectaos ayeri dempués de realizar 2.530 pruebes, polo que la tasa de positividad asitose nel 5’97%. Nesta xornada produciéronse 20 ingresos en planta y 4 en UCI. Amás, rexistráronse 7 altes hospitalaries. Anguaño, hai 292 pacientes hospitalizaos con confirmación o sospecha de covid-19 y otres 111 persones permanecen na UCI.
Tocantes a los decesos, ayeri finaron seis homes de 60, 67, 70, 76, 64 y 93 años. Nengún d’ellos moraba nun centru sociosanitariu pa mayores.
Nestos momentos, la ocupación total por covid se asita nel 11,53% y nel casu de les UCI, nel 33,33%.
La Dirección Xeneral de Salú Pública señala que, magar mientres la última selmana hubo un amenorgamientu del númberu de casos positivos, la cayida de la incidencia ralentizóse, cuantimás, ente les persones mayores de 65 años.
Por esta razón, les autoridaes sanitaries llamen a estemar les midíes de protección, yá que na actualidá la incidencia acumulada a 7 díes casi dobla les andaes al respective de la fase de estabilización de la segunda fola de la pandemia, na que se rexistraben 50 casos por 100.000 habitantes.
