La dotación de la Dirección Xeneral d’Acción Cultural y de Política Llingüística s’aumenta con al respective de 2023, xubiendo a 14.340.276 euros. La mayor xubida correspuende a les distintes llinies d’ayudes pa empreses, particulares y corporaciones locales.
En relación cola protección y promoción del asturianu y el eonaviego, la viceconseyera esbilló múltiples compromisos. Va haber una notable medría nel sofitu a l’Academia de la Llingua, van desenvolvese ferramientes de traducción automática, va disponese una nueva llinia de sovenciones a producción audiovisual en dambes llingües y van crease dos nuevos premios (unu d’asturianada en trés categoríes, masculina, femenina y moza, con una asignación global de 15.000 euros, y otru lliterariu, d’escritura de guiones cinematográficos n’asturianu o enonaviego, dotáu con 6.000 euros).
“Les nueses prioridaes pasen pola normalización llingüística, el sofitu a les entidaes locales para garantizar l’accesu universal de la cultura, con especial interés naquelles zones menos poblaes onde l’actividá cultural álzase como unu de los sos principales motores económicos y, consecuentemente, por sofitar la profesionalización y el desenvolvimientu de los sectores culturales”, argumentó la viceconseyera, quien tamién repasó dellos proyectos nos que va trabayar el so departamentu, como l’Axencia de les Industries Culturales d’Asturies, les lleis de biblioteques, arquivos y museos, y el cambéu de la Llei d’Usu y Promoción del Asturianu.
