La Fundación Meniños resultó axudicataria del contratu qu’integra tolos tipos d’acoyimientu de menores d’ Asturies (temporal, permanente, fines de selmana y vacaciones)y l’adopción de neños y neñes con necesidaes especiales. Per primer vegada, una única entidá va xestionar les demandes de toles persones solicitantes.
L’equipu que va asumir esta función ta formáu por psicólogos, trabayadores sociales y educadores sociales, que se van encargar de la información, formación, valoración y siguimientu de los acoyimientos y adopciones, pa llegar a la fase final d’un procesu que va garantizar el derechu de les neñes y neños tutelaos a vivir nuna redolada familiar.
Pa sentar les bases d’esti trabayu conxuntu, la directora del Institutu Asturianu pa l’Atención Integral a la Infancia y a les Families, Marta del Arco, y la xefa de Sección d’Adopción y Acoyimientu de la Conseyería de Derechos Sociales y Bienestar, Ana Domínguez, axuntáronse cola directora xeneral de la Fundación Meniños, Mónica Permuy; la directora técnica de la organización, Xema Cabana, y el coordinador técnicu n’Asturies, Jorge Fernández.
