L’Asociación d’Hosteleros de Tazones alcordó col Conseyu Regulador de la DOP Sidra d’Asturies ufiertar los productos con Denominación d’Orixe como primer opción en sidra natural a quien visiten los sos establecimientos. D’esta miente, la villa maliaya conviertese na primer localidá que se venceya a la marca DOP Sidra d’Asturies.
“Tazones ye un llugar de referencia n’Asturies, non solo no turístico, tamién no gastronómico. Por ello, tamos bien contentos de poder anunciar esti alcuerdu. Esperemos que sía’l primeru de munchos”, comentó Daniel Ruiz, xerente del Conseyu Regulador de la DOP Sidra d’Asturies.
Para simbolizar esta alianza, tolos miembros de l’Asociación d’Hosteleros de Tazones citaronse al pie de la sablera de la localidá maliaya para echar un culín de sidra y reflexar d’esta miente el so compromisu con esti productu ellaboráu con mazana 100% asturiana.
