La Dirección Xeneral de Participación Ciudadana, Tresparencia, Diversidá Sexual y LGTBI perfila la inclusión de protocolos educativos nel borrador de la futura Llei LGTBI autonómica, tal qu’establez la normativa estatal.
Na tercer xunta del grupu de trabayu los colectivos enfocaron la definición de los tipos de protocolos que son necesarios establecer y de qué manera se pueden implementar pa garantizar los derechos del alumnáu LGTBI nel sistema educativu.
Rodríguez indicó que, con esta tercer sesión, el grupu da per rematáu l’abordaxe d’esta materia pa dar pasu, na siguiente xunta, a los aspectos rellacionaos cola salú que dexen avanzar na defensa de los derechos y llibertaes de les persones lesbianes, gais, transexuales, bisexuales ya intersexuales. Tamién señaló que’l desenvolvimientu d’estos alcuentros progresa “a bon ritmu”, polo que confía en poder cumplir col oxetivu marcáu al entamu d’esta llexislatura de tener llistu’l borrador de la llei a finales d’añu.
