La madre del emigrante o La Lloca’l Rinconin ye una escultura de Ramón Muriedas Mazorra allugada en Somió, nel paséu marítimu de Xixón, n’homenaxe a la emigración asturiana pel mundu y primer obra escultórica de llinguaxe modernu allugada na ciudá. Y ehí lleva dende’l 18 de setiembre de 1970. Tres la so inauguración, el monumentu recibió múltiples crítiques. Esperábase una escultura más clásica. Nel momentu de la so inauguración resultaba una obra demasiáu moderna.
En 1976 un esplosivu estropió la parte inferior de la estructura, que foi pintada namás pa cubrir el dañu. El monumentu, yá afectáu pola esplosión, quedó inclináu depués d’un fuerte temporal, dexando a la figura nuna penosa situación.
Nun hebo nengun arreglu hasta qu’un ciudadanu pidió al Conceyu que-y vendiera la estructura, dempués de lo que decide reparase en 1995. L’encargáu de realizar l’arreglu sería Francisco González Macías, quien reconstruyó los pies de la figura y dotar d’una mayor estabilidá al traviés d’exes mayores y una base p’asegurar la so suxeción. Tamién modificó la cabeza y la manzorga.
Tres l’arreglu’l monumentu quedaría apostráu a un almacén y nun sería emplazáu de nuevu nel Rinconín hasta la elección del primer gobiernu democráticu de la ciudá a principios de los 80. Finalmente ente 1995 y 1996 reemplazóse’l so pedestal y allugóse nuna pequeña plazoleta llevemente alzada a la que s’apuerta al traviés d’una pequeña escalinata. La inscripción del pedestal foi sustituyida pol poema Al son del agua del poeta xixonés Alfonso Camín.
Anguaño, ye ún de los llugares más queríos pola sociedá xixonesa y de los más visitaos polos turistes.
