El Conceyu de Cangas volvió instalar ‘L’árbol de los neños’. Trátase d’un pinu de casi cuatro metros d’altor que s’instaló na plaza Conde Toreno y que s’atopa a la espera de recibir los adornos navidiegos que realicen con material recicláu los más pequenos del conceyu.
“Con esta iniciativa queremos primar la ilusión de los neños y neñes de la que fomentamos vezos de reutilización y reciclaxe”, manifestó la conceyala de Festexos, Laura Álvarez, quien animó a los menores y les sos families a ellaborar adornos pa esti árbol. Los ornamientos navidiegos van poder depositase nos próximos díes na Casa de Cultura ‘Palacio de Omaña’, pa darréu decorar l’árbol y que los menores de Cangas puedan per segundu añu consecutivu enseñar a los sos familiares y amigos los trabayos realizaos. Al tratase d’un árbol de poco altor, dexa la visualización d’estes obres d’arte que’l pasáu añu sumaron un total 250 adornos.
La conceyala encamentó utilizar materiales resistentes a l’agua como tetrabricks, botelles de plásticu, llates… pa tresformalos n’adornos orixinales que sirvan pa enguapecer esti árbol. La conceyala informó d’esta iniciativa a los colexos del conceyu, con cuenta de puedan realizar estos adornos, de la qu’eduquen a los menores y enséñenlos bonos vezos medioambientales en cuanto al reciclaxe.
