La Policía Local detien a trés persones y sanciona a un total de 78

0
153

La Policía Local continúa vixilando’l cumplimientu de la obligación de permanecer en casa. Munchos ciudadanos siguen estos díes saliendo a la cai ensin xustificación. El xueves foi otru día de sanciones. Una patrulla sorprendió pela mañana a una pareya a les 09.15 hores de la mañana circulando nun vehículu Citroën Xsara pela cai de Los Moros, ensin motivu xustificáu. Los axentes denunciáronlos por infracción al decretu d’alarma. L’home, J.J.G.C., de 50 años d’edá y vecín de Xixón, circulaba ensin punto del carné. Por esti motivu, foi deteníu por un presuntu delitu contra la seguridá vial.

A les 11.10 hores de la mañana, efectivos de Policía Local de Xixón intervinieron na cai Eleuterio Quintanilla a trés menores d’edá, de 16 años los trés, cuando caminaben en grupu pela cai. Al nun poder argumentar nengún motivu pal desplazamientu, fueron identificaos y denunciaos. De los trés, dos quedaron so la custodia de los padres, realizando acta a la Fiscalía de Menores. El terceru tenía la so residencia nel Centru de Menores de Cualloto. El centru encamentó a les autoridaes a que se presentara denuncia porque, según comunicaron, escapárase n’afrellando violentamente a los sos cuidadores. La Fiscalía de Menores decretó la detención del menor.

Los axentes de la Policía Local tamién actuaron a primer hora de la nueche. A.B.S. de 19 años d’edá y vecín de Xixón, foi deteníu alrededor de les 21:15 hores al ser sosprendíu pasiando pela cai Cienfuegos. Al dir ser riquíu pola patrulla, entamó una rápida fuxida a la carrera en dirección Pablo Iglesias. Finalmente foi deteníu en Ramón y Cajal. Nel momentu de la detención ufiertó gran resistencia, intentando en tou momentu safase y escapar. Amás de les detenciones, formuláronse un total de setenta y ocho denuncies a persones que fueron sosprendíes incumpliendo coles obligaciones.