El Conseyu de Gobiernu de la Universidá d’Uviéu dio esta mañana lluz verde al I Plan pluriañal d’Investigación y Recursos Humanos 2022-2023, que se constitúi como la principal ferramienta de política científica de la institución pa incentivar, con fondos propios y otres ayudes, l’actividá investigadora para los próximos años 2022-2023. El principal oxetivu del plan ye participar na estratexa d’I+D+i, dotando económicamente determinaes actividaes empobinaes a facilitar la meyora científica y la tresferencia.
Talo como esplicó’l vicerrector d’Investigación, Antonio Fueyo, el Plan pluriañal d’Investigación y Recursos Humanos ta alliniáu coles Estratexes d’Investigación ya Innovación para la Especialización Intelixente (RIS3), el nuevu Programa Marcu d’Investigación ya Innovación pal periodu 2021-2027, denomináu Horizonte Europa y cola Axenda 2030 pal Desenvolvimientu. “Por ello, el Plan tien de ser concebíu como una ferramienta complementaria de los Planes rexonales, estatales y europeos qu’en materia d’I+D+i entámense y tar alliniáu coles estratexes, oxetivos y llínees d’actuación qu’en dichos ámbitos recuéyanse para aprovechar los sos sinergias y garantizar una unidá d’acción”.
El Conseyu de Gobiernu estraordinariu, celebráu de forma telemática, aprobó esti plan qu’incide n’aspeutos tan relevantes como la captación y retención del talentu o la promoción de la excelencia entendida como mecanismu esencial para faer posible la consecución de resultancies relevantes d’investigación y tresferencia y faer posible l’establecimientu de grandes aliances nel escenariu internacional. El Plan pluriañal d’Investigación y Recursos Humanos de la Universidá d’Uviéu ta estructuráu en cuatro grandes exes estratéxicos que son los siguientes: de primeres, la Potenciación de los Recursos Humanos pa Investigación y l’Atracción del Talentu; de segundes, les Ayudes a la Investigación; de terceres, les Infraestructures d’Investigación Comunes y, a lo último, la Movilidá y Perfeccionamiento del Personal Investigador.
Reglamentu de Xestión Económica y Financiera
Per otru llau, el Conseyu de Gobiernu celebrao esta mañana, aprobó tamién el Reglamentu de Xestión Económica y Financiera, un testu que sistematiza les previsiones llegal y estatutariu por aciu 73 artículos distribuyíos en cuatro títulos. El documentu, contribúi a actualizar, ordenar y harmonizar tola xestión económica y financiera nun solu testu, incorporando un soporte normativu con seguridá xurídica n’una materia qu’implica una gran variedá de protagonistes, y regula procedimientos dende dellos ámbitos xurídicu y presupuestariu.
Reglamentu para los concursos de provisión de places de cuerpos docentes universitarios en réxime d’interinidá y de personal docente ya investigador contratáu en réxime de derechu llaboral
A lo último, el Conseyu de Gobiernu dio lluz verde al cambéu del Reglamentu pa los concursos de provisión de places de cuerpos docentes universitarios en réxime d’interinidá y de personal docente ya investigador contratáu en réxime de derechu llaboral. El vicerrector de Polítiques de Profesoráu, Pedro Alonso, esplica que “l’anterior reglamentu, aprobáu en 2018, magar afectaba a diversos aspeutos de los concursos relativos a la figura de Profesor Contratáu Doctor y regulaba los concursos pa la cobertoria de places de Profesor Contratáu Doctor en réxime d’interinidá, nun contemplaba l’aplicación del artículu 19 de les distintes lleis de Presupuestos Xenerales del Estáu que, dende l’añu 2018, establecen que les universidaes van destinar a lo menos el 15% del total de les places qu’ufierte a la incorporación, naquella categoría pa la que tuviera acreditao, de personal docente investigador que rematara el Programa Ramón y Cajal y llograra’l certificáu I3”.
Por ello, según por otros desaxustes detectaos mientres los años d’aplicación del actual reglamentu, llevóse a cabu’l so necesariu cambéu. El nuevu testu va dexar, ente otres cuestiones, la contratación del personal que rematara’l programa Ramón y Cajal o otros programes d’excelencia como Profesor Contratáu Doctor Interín. Tamién modifica l’apartáu sobro criterios de valoración y baremos y señala qu’estos van ser los conteníos nos anexos y que la comisión va deber desglosar la puntuación de los distintos apartaos nos que tán estremaos los criterios de valoración.
