La Universidá d’Uviéu va cuntar l’añu que vien con un serviciu de normalización

0
820

La Universidá d’Uviéu va poner en marcha un serviciu de normalización llingüística l’añu qu’entra. L’anunciu fízolu na tarde del miércoles el director xeneral de Política Llingüística mientres un conceyu colos trabayadores de los servicios de normalización. Antón García destacó la importancia que tienen estos servicios ”como pieces clave pa la normalización de la llingua». Nesti sentíu, comprometióse a reforzar la coordinación pa optimizar los recursos, especialmente na ellaboración y espardimientu de campañes, cursos d’adultos y usu de la toponimia oficial.