Un grupu d’investigación de la Escuela Politécnica de Mieres y la compañía avilesina del Grupu Asturmadi comprueben que la so tecnoloxía puede aguantar foles d’hasta cinco metros d’altor n’escala real
Los investigadores del proyectu PORTOS desplazarónse a Porto para realizar ensayos baxo condiciones marines controlaes nuna piscina de 25 metros de llargor
Les soluciones flotantes amenorguen los costos d’alquisición de terrenes y aumenten la producción eléctrica de los paneles gracies al efeuto refrigerante de l’agua del mar.
Universidá y empresa quixeron dar, d’esta miente, un saltu innovador nesti sector apostando pola investigación y desenvolvimientu de sistemes marinos, lo que dexaría, nel futuru, l’esplegue de macroplantas solares nel océanu coles lóxiques restricciones d’ocupación de superficie y conflictos con otros usos mínimos.
El proyectu PORTOS, financiáu por Interreg Atlantic Area, dexó que RENEERGY tuviera yá en 2020 el sofitu del grupu d’investigación de la universidá asturiana para verificar el conceutu y empecipiar les xeres de prueba de conceutu.
