L’alcalde de Mieres pide a Canteli que rectifique de forma urxente y pública les sos declaraciones sobre’l Campus de Mieres

0
150

El Conceyu de Mieres siempres foi bien respetuosu col restu d’instituciones y alministraciones asturianes polo que Vázquez llamenta que l’Alcalde d’Uviéu opte, énte la falta d’argumentos, poles descalificaciones.

 

Énte les declaraciones realizaes el pasáu miércoles pol Alcalde d’Uviéu, Alfredo Canteli, y publicaes pelos distintos medios de comunicación afirmando, en relación al treslláu de Mines al Campus de Mieres, que “paez que quier treslladase a un centru d’enfermos terminales ensin nengún futuru”, l’Alcalde de Mieres, Aníbal Vázquez, esixe al primer conceyal uvieín xuna “rectificación urxente y pública”. “Estes declaraciones suponen un grave erru que pueden provocar un puntu d’inflexón nes relaciones institucionales con Uviéu”, apuntó’l primer edil. “El Conceyu de Mieres siempres foi bien respetuosu col restu d’instituciones y alministraciones asturianes”, señaló Vázquez, que llamentó que Canteli empecipie un camín peligrosu de descalificaciones. “Optar pola descalificación cuando nun se tienen argumentos”, apuntó Aníbal Vázquez, que recordó que’l Campus de Mieres ye’l más modernu de la Universidá Asturiana.