L’autobús al aeropuertu torna a circular

Los horarios van publicase a diariu nes páxines del CTA, Alsa y Aena

0
120

El serviciu de tresporte públicu n’autobús al aeropuertu d’Asturies torna a circular una vegada ta regularizada la operativa de vuelos hasta’l 29 de xunu. Esti serviciu afaise p’atender les necesidaes d’usuarios de los vuelos confirmaos, que lleguen y salen de la terminal asturiana a Madrid, Málaga, Valencia, Eivissa, Sevilla, Palma de Mallorca, Menorca y Valencia. En xunetu, va establecese una mayor frecuencia de los autobuses hasta recuperar los cuatro que circulen.

Les páxines web del Consorciu de Tresportes d’Asturies (CTA) de Alsa y Aena van publicar diariamente l’horariu pal tresporte al aeródromu, en función del númberu de vuelos. Los autobuses van esperar na parada del aeropuertu hasta un máximu de 90 minutos en casu de retrasu del vuelu. Los autocares van realizar los percorríos habituales, dende y hacia Castrillón, Avilés y Xixón. Tolos vehículos qu’empresten servicios al aeródromu tán afechos a persones con movilidá amenorgada.

El preciu del billete ye de 9 euros dende Uviéu y Xixón, 4 dende Salinas y 3,50 dende Piedrasblancas. Los usuarios qu’utilicen el billete únicu van siguir abonando un euru de suplementu.