Estes iniciatives d’entidaes privaes, locales y ensin ánimu d’arriquecimientu suponen una inversión global de casi cuatru millones .
Les ayudes del programa Leader del grupu Ozscos-Eo, dotaes con 1.520.341 euros, van permitir apoyar 39 proyectos que suponen una inversión global de 3.975.296 euros. Esta entidá desenvuelve proyectos nos conceyos de Castropol, San Martín d’Ozcos, Santiso d’Abres, Santalla d’Ozcos, Taramundi, A Veiga y Vilanova d’Ozcos.
La distribución de les ayudes por añalidaes ye la siguiente:
| Ayudes Leader | 2021 | 2022 | Total |
| Empresas privaes | 594.687,59 | 589.352,33 | 1.184.039,92 |
| Entidaes llocales | 133.924,09 | 152.808,96 | 286.733,05 |
| Entidaes ensin ánimo d’arriquecimientu | 36.542,97 | 13.025,35 | 49.568,32 |
| Total anualidá | 765.154,65 | 755.186,64 | 1.520.341,29 |
La convocatoria de fondos Leader de desenvolvimientu rural 2020 ye la de mayor dotación económica de la historia del Principáu. Cuenta con un presupuestu tresañal de 26,4 millones que van permitir financiar más de 600 proyectos. La cuantía inicial xubía a 16,3 millones y amplióse en daqué más de 10. Nel casu del Centru pal Desenvolvimientu de la Comarca d’Ozcos-Eo, la medra de creitu ronda los 600.000 euros.
Estes subvenciones, cofinanciaes pol Fondu Européu Agrariu de Desenvolvimientu Rural (Feader), dan soporte al texíu productivu y social del mediu rural y garanticen la continuidá de l’actividá nun sector esencial pal suministru d’alimentos a la población.
Les ayudes concédense al traviés de los once grupos de desenvolvimientu rural que tomen la práctica totalidá del territoriu.
