La Rede Municipal de Museos de Xixón aumenta les sos visites nun 8% con respectu al añu 2022, convirtiéndose l’añu 2023 nel de mayor númberu de visites de tola so hestoria, con un total de 436.792 visitantes. Los equipamientos de la Rede Municipal de Museos de Xixón son visitaos nun bon porcentaxe por públicu local y de la comunidá autónoma asturiana (38%) y, al par, son curiosos y d’interés pal públicu proveniente de fuera d’Asturies, tantu nacional como estranxeru (62%).
La Rede Municipal de Museos de Xixón fai una llectura bien positiva de 2023, non namás polos datos cuantitativos espresaos, sinón por datos cualitativos que demuestren l’amplia aceptación per parte del públicu de los sos distintos programes d’espardimientu y actividaes, según nel capítulu relativu a la medría de les colecciones, que se debió en
munches ocasiones a donaciones, lo que demuestra l’enfotu que nos museos xixoneses tienen depositada los artistes, particulares o entidaes, convirtiéndolos, d’esta miente, en centros fundamentales y garantes pal caltenimientu, investigación y espardimientu del nuesu patrimoniu común.
Les visites al total d’equipamientos de la Rede Municipal de Museos de Xixón aumentáronse nun 8% con al respective de 2022, alzándose hasta les 436.792 y convirtiéndose 2023 nel añu con mayor númberu de visitantes de tola so serie histórica. Hasta anguaño 2023 el mayor númberu de visitantes a los museos municipales xixoneses tuviera llugar en 2014, con un total de 409.270 visitantes.
