L’Institutu de Desenvolvimientu Económicu del Principáu d’Asturies (Idepa) concedió 156.527 euros en subvenciones pal desenvolvimientu de nueve proyectos presentaos por organizaciones clúster del Principáu, que van movilizar inversiones por 249.937 euros.
L’oxetivu d’esta convocatoria ye favorecer l’afitamientu d’esta clas de concentración d’empreses desenvolviendo actividaes de dinamización y fomentando la so dixitalización, circularidá y collaboración.
La convocatoria tien trés llinies complementaries:
- La llinia de dinamización apoya’l fortalecimientu de les organizaciones clúster col desenvolvimientu d’actividaes, l’actualización de planes estratéxicos y la execución de midíes p’ameyorar el so posicionamientu nacional y internacional.
- La llinia empobinada al desenvolvimientu de proyectos rellacionaos col fomentu de la Estratexa d’Especialización Intelixente (Asturias RIS3) centrase, sobre manera, naquellos vinculaos a la promoción del Asturias Digital Innovation HUB y l’Asturias Paradise HUB for Circularity, dambos impulsaos pol Idepa.
- La llinia de proyectos collaborativos tien por oxetu xenerar collaboraciones inter-clúster.
Tocante a les acciones subvencionables, inclúyese la contratación de collaboradores esternos, costos salariales y dietes y gastos de promoción y difusión. A efectos alministrativos, la publicación de la resolución nel Boletín Oficial del Principáu ta prevista pal 9 de payares.
