El Gobiernu d’Asturies retomó les obres d’instalación d’un nuevu pantalán na dársena interior del puertu de Llanes que va dexar abelugar les embarcaciones en casu de temporal. Los trabayos, axudicaos en 48.000 euros, quedaron suspendíos nel branu a pidimientu de la hostelería local, coles mires d’amenorgar les molesties en temporada alta turística.

Esta infraestructura, de 12 metros de llargor, ta asitiándose na redoma de l’antigua rula de pexe de la villa por aciu l’usu de vigues de fierro tipu grey. La previsión ye que’l nuevu equipamientu tea llistu primero qu’empiece l’iviernu y, por tanto, ufierte yá serviciu mientres les próximes envernaes marines.

La instalación del nuevu pantalán complementa los trabayos que yá se tán llevando a cabu para ameyorar la seguridá y navegabilidad nel puertu llaniscu. La embarcación La Nalona sigue dragando la canal d’accesu, coles mires de retirar 5.600 metros cúbicos de sedimentu. Amás, el Principáu licitó por 1,7 millones la retirada de casi 16.000 metros cúbicos d’ocla, arena y fango de la dársena interior, con un contratu que tamién inclúi un dragáu en parte de la dársena esterior.