La Empresa Municipal de Tresportes Urbanos de Xixón va cuntar dende’l llunes con un nuevu sistema de grabación nel interior de los autobuses. L’oxetivu de los responsables de la compañía ye ameyorar la seguridá de los viaxeros. Esta midida enmárcase nes «polítiques de continues meyores nel tresporte urbanu de la ciudá», esplica’l Conceyu nuna nota. Los autobuses yá cuentan con una comunicación directa ente’l vehículu y la Policía Local en casos d’emerxencia.
