La FSA propón a María Jesús Álvarez y Mercedes Otero como senadores

0
560

La FSA-PSOE va proponer a María Jesús Álvarez y Mercedes Otero pa ocupar los puestos de senadores per designación autonómica. La propuesta foi sofitada por unanimidá na xunta de la comisión executiva autonómica. La FSA-PSOE considera que se trata de dos persones de «gran valía y reconocida trayectoria» qu’axunten les esixencies pa «desempeñar un puestu tan relevante nun momentu de tanta trescendencia».

María Jesús Álvarez y Merced Otero acrediten una amplia trayectoria política. Álvarez foi conceyala nel Conceyu de Pravia, diputada autonómica, presidenta de la Xunta Xeneral y conseyera de Desenvolvimientu Rural. Otero, que forma parte de la executiva autonómica de la FSA-PSOE como secretaria d’Estratexes contra’l Despoblamientu, foi secretaria xeneral de l’agrupación d’Ayande, conceyala y vicealcaldesa. Nes últimes elecciones ocupó el cuartu puestu de la candidatura al Congresu.

Álvarez y Otero van representar a Asturies na Cámara alta al pie de los otros trés senadores del PSOE escoyíos el 10 de payares: Francisco Blanco, María Fernández y Fernando Lastra. «De los cinco trés son muyeres, lo que constata, una vegada más, l’apueste socialista poles muyeres», destaca la FSA nuna nota.