Efectivos de Bomberos del Serviciu d’Emerxencies del Principáu d’Asturies (SEPA), con base nos parques de Llanes y Cangues d’Onís, xuntu al Xefe de Bomberos de la Zona Oriental estinguieron la quema declarada nuna parcela axunta a una nave en La Franca, Ribadeva. La quema xamuscó seis contenedores de tresporte nos que s’almacenaben, ente otros elementos, 97 motos antigües.
El Centru de Coordinación d’Emerxencies recibió l’avisu a les 5:57 hores. Na llamada indicóse que taba quemando una caseta de preseos pegada a una nave d’aceros y cercana a una vivienda. Nel momentu movilizóse a los citaos efectivos de Bomberos del SEPA, que se movilizaron con un vehículu primera salida, una autobomba urbana llixera y un Vam Tl.
Una vegada na zona, los efectivos atopáronse cola quema totalmente desenvuelta. Atacaron el fueu dende dos puntos distintos pa protexer la nave industrial. Dempués, los bomberos fueron apagando la quema contenedor a contenedor. La sala del 112 del SEPA informó del sucesu a la Guardia Civil y al Serviciu d’Atención Médica Urxente (SAMU).
