El Gobiernu d’Asturies perfila col comerciu minorista la segunda fase del programa Bonu Comerciu Asturies pa incentivar les vientes n’establecimientos de proximidá, a la que va destinar 1 millón, la mesma cantidá que na primer fase.
Nel alcuentru anuncióse que la segunda fase va desenvolvese del 1 d’ochobre al 20 de payares y que los bonos podrán trocase nos establecimientos xuntaos al programa, que van ser los mesmos que na primer fase. Van poder descargase del 1 al 21 d’ochobre o hasta que s’escosen.
Al tratase d’una única convocatoria desenvuelta en dos periodos de tiempu, aquellos consumidores que na primer fase (mayu-xunu de 2024) canxearen los cinco bonos nun van poder acceder a nuevos bonos nesta segunda fase.
Pela so parte, quien na primer fase canxearen un númberu de bonos inferior a cinco namás van poder aportar nesta segunda fase al númberu de bonos restante p’algamar dicha cantidá. Por casu, si una persona na primer fase canxeó dos bonos, na segunda fase namás va tener trés a la so disposición.
