Nada salió na prensa sobre l’avistamientu d’un ovni en Xixón en 1969, poco tiempu dempués d’inaugurase l’aeropuertu d’Asturies. Sicasí, esti datu salió a la lluz tres la desclasificación de dellos expedientes del Exércitu del Aire. L’Estáu Mayor caltúvolo como confidencial mientres 24 años el casu d’un oxetu al paecer «de plásticu, tresllúcidu», que sobrevoló Xixón.
Nun ye l’únicu casu. El catálogu Asturcar suma 150 supuestos episodios de ovnis n’Asturies ente 1900 y 1995, suma que’l Catálogu d’Informes OVNI alza a 204. L’últimu, nel añu 1996, avistáu dende La Providencia. Un fenómenu venceyáu, tamién, al auxe de la lliteratura de les ciencies ocultes naquellos tiempos. Lo paranormal taba de moda cuando se columbró, va venticinco años, una supuesta gran nave «en forma de cigarru puru o ‘besugu’» sobre Peñarrubia y La Providencia.
