El Principáu aprobó un gastu de 20.606.996 euros destináu a compensar al Conceyu d’Uviéu pol usu del billete únicu del Consorciu de Tresportes d’Asturies na rede d’autobuses urbanos de la capital nos cuatro exercicios próximos (2022-2025).
El Consorciu de Tresportes va soscribir un conveniu nuevu col Conceyu d’Uviéu pa caltener la integración tarifaria del so tresporte urbanu, por aciu l’usu de los títulos de tresporte del billete únicu. Gracies a esti conveniu, los usuarios del billete únicu qu’adquieran los sos títulos de tresporte al traviés del CTA van poder siguir utilizando’l serviciu municipal.
El Consorciu de Tresportes va remuner al Conceyu d’Uviéu pola prestación de los viaxes que primeramente abonaren los usuarios. L’aportación que va realizar la entidá va ser de 5.151.749 euros anuales nel periodu 2022-2025.
