Un home resultó mancáu tres de la vía y topetar contra un muriu col vehículu que conducía y darréu cayer, él namás, por un desnivel d’unos 10 metros, na carretera GR4, antes del encruz de Riañu, pasáu la ponte de Siana, en dirección a Restiellu, en Grau.
Según los datos facilitaos pol Serviciu d’Atención Médica Urxente (SAMU), el mancáu, foi treslladáu con pronósticu reserváu, por cuenta de más pruebes y hasta nueva valoración médica, al Hospital Universitariu Central d’Asturies (HUCA), n’Uviéu. Atendiéronlo nel llugar del accidente pol equipu d’Atención Primaria moscón y treslladáu na ambulancia de soporte vital básicu de la zona.
L’home tuvo que ser rescatáu del llugar onde cayera, unos diez metros de desnivel ente la maleza, por efectivos de Bomberos del SEPA con base nel parque de Grau. Los bomberos tuvieron qu’abrir un camín a lo llargo d’unos 150 metros, con ayuda d’unos vecinos de la zona, pa poder llegar hasta onde s’atopaba ya inmoviliza-y la pierna con una férula. Darréu treslladáronlo a la carretera nuna camiya nial.
