La Estratexa d’Atracción d’Inversiones llogró que la compañía Medichem Solutions, perteneciente a Corporación Medichem, s’implante n’Asturies. La empresa preve la puesta en marcha d’una planta de fabricación de productos inyectables pal sector farmacéuticu, con una inversión cimera a los 16 millones, y l’incorporación gradiada, a midida que meyora la producción, d’hasta 30 profesionales.
La empresa va allugase nel Parque Tecnolóxicu d’Asturies, en Llanera, nel edificiu qu’ocupaba Tecsolpar. La planta va reacondicionase y va sometese a los procesos de certificación de les autoridaes sanitaries europees ya internacionales, col fin d’afaer la producción a los estándares del sector farmacéuticu. La compañía espera tener operatives les instalaciones en 2024.
