La Conseyería de Mediu Rural y Política Agraria axudicó por un importe de 45.977 euros les obres de meyora del accesu a L’Angliru, nel conceyu de Riosa, que va ser final d’etapa de La Vuelta Ciclista a España’l próximu 13 de setiembre.
L’oxetivu d’esta actuación ye ameyorar l’accesibilidá rodada a diverses zones d’interés, como finques agraries y forestales, núcleos de población, establecimientos hosteleros y espacios utilizaos pal ciclismu deportivu. Pa ello, va dar en reponer el firme con tremáu asfálticu nos tramos más deterioraos.
El proyectu contempla’l fresáu d’ocho tramos especialmente estropiaos a lo llargo d’esta carretera de 10 quilómetros. Amás, va reforzase’l firme en 570 metros por aciu l’aplicación de zahorra, pa darréu pavimentar el vial, que cunta con un anchu mediu de 4,20 metros. Finalmente, va llevar a cabu la señalización horizontal y vertical pa garantizar la seguridá vial.
La empresa Contrates Fernández Granda S.L. va ser la encargada d’executar los trabayos, que van tener un plazu d’execución de 15 díes. Esta actuación ta cofinanciada pol Fondu Européu Agrariu de Desenvolvimientu Rural (FEADER).
