L’actriz estadounidense Meryl Streep foi galardonada col Premiu Princesa d’Asturies de les Artes 2023, según fixo públicu güei n’Uviéu’l xuráu encargáu de la so concesión.
El xuráu d’esti Premiu convocáu pola Fundación Princesa d’Asturies— tuvo presidíu por Miguel Zugaza Miranda ya integráu por Claude Bussac, María de Corral López-Dóriga, Josep Maria Flotats i Piques, Dionisio González Romero, Cayetana Guillén Cuervo, Sergio Gutiérrez Sánchez, Maribel López Zambrana, Antonio Lucas Herrero, Joan Matabosch Grifoll, Helena Pimenta Hernández, Sandra Rotondo Urcola, Martha Thorne, Rosa Torres-Pardo, Patricia Urquiola Hidalgo, Carlos Urroz Arancibia, Tadanori Yamaguchi y Aarón Zapico Braña (secretariu del xuráu).
Esta candidatura foi propuesta por Pedro Almodóvar, Premio Príncipe d’Asturies de les Artes 2006.
Nacida en Summit (EE. UU.) el 22 de xunu de 1949, Mary Louise Streep, conocida como Meryl Streep, empezó los sos estudios artísticos a los dolce años coles clases de cantar y yá nel institutu sumó les d’interpretación. Graduada pol Vassar College (1971) y la Escuela d’Arte Dramáticu de Yale (1975), Streep empezó la so carrera nos teatros neoyorquinos y actuó en delles producciones de Broadway, incluyíu’l reestrenu en 1977 del drama d’Antón Chéjov El xardín de les zrezales. Con trés premios Oscar, ocho Globos d’Oru, dos BAFTA y trés Emmy, tres más de cuarenta años de carrera como actriz, Meryl Streep ta considerada como una de les meyores actrices contemporanees. Conocida sobre manera polos sos papeles nel cine, destacó pola so característica versatilidad, que se sofita, según la crítica, n’una estraordinaria capacidá pa interpretar una gran variedá de personaxes y reproducir
distintos acentos. Tien el récord absolutu de nominaciones a los premios Oscar (21) y Globos d’Oru (32) y ye una de les dos actrices vives que llogró’l galardón de l’academia estadounidense en trés ocasiones.
