Esta mañana’l Vaticanu daba anuncia de la muerte esta mañana y a los 95 años del papa eméritu Benedictu XVI, Joseph Aloisius Ratzinger.
Dende l’añu 2013, cuando sorprendió al mundu cola primer arrenuncia d’un papa en 600 años, taba apartáu de la xestión de la Ilesia Católica y l’estáu Vaticanu, en manes del Papa Xicu.
Polémicu pol so conservadurismu y el pasáu nes mocedaes hitlerianes nos últimos momentos de la Segunda Guerra Mundial, na que llegó a combatir coles tropes nazis, Benedictu XVI supo mantenese fuera del focu nestos cuasi diez años trescurríos dende la so salida del papáu, marcada pola so llucha contra la corrupción interna, que paez qu’acabó por agotalu. Foi’l primer papa en tener cuenta en Twitter, anque nun tuvo’l carisma del so predecesor, Xuan Pablu II.
A diferencia de los últimos 600 años, tres la muerte de Benedictu XVI nun habrá fumata blanca na Plaza de San Pedru, otru home ocupa yá la cabeza de la Ilesia, l’arxentín Bergoglio, que va ser papa en solitariu per primer vegada a partir del 2023.
