El periodista d’Europa Press y escritor Damián Barreiro morrió esti miércoles a la edá de 40 años na so casa d’Avilés. Militante de la Xunta pola Defensa de la Llingua Asturiana, y mui activu en redes sociales, onde xestionaba la canal de Youtube Horros & Frixuelos, foi tamién un premiáu ensayista.
Ganador del Premiu Máximo Fuertes Acevedo en el 2014 y 2018 con «Caleya Sésamu: el papel de la televisión na tresmisión interxeneracional de la llingua» y «Asturploitation», amás d’otros premios de investigación con ensayos sobre lengua asturiana y cultura audiovisual, ganara va namás un añu per tercer vez el premiu cola so obra «Asturianía Kitsch».
Llicenciáu en periodismu pola Universidá del País Vascu, trabayó nes redacciones d’Asturies.com y Les Noticies y, anguaño, facíalo na delegación asturiana de l’axencia Europa Press, onde los compañeros «llamenten fondamente al so queríu amigu Damián, de quien siempre van recordar la so sorrisa»
