Muerre a los nueve años la fía de Luis Enrique

"Echarémoste de menos. Vas ser la estrella que guie a la nuesa familia", escribió'l xixonés nun comunicáu

0
178
Luis Enrique dexa la Selección Española
Luis Enrique. / RFEF

Luis Enrique anunció esti xueves nes redes sociales la muerte de la so fía pequeña, Xana, a los 9 años, depués de sufir un osteosarcoma nos últimos cinco meses. «Echarémoste de menos, pero recordarémoste cada día cola esperanza de que nun futuru tornemos a alcontranos. Vas ser la estrella que guie a la nuesa familia».

El que fuera entrenador de la Selección Española quiso dar les gracies «por toles muestres de cariñu recibíes mientres estos meses» al tiempu que pidió «discreción y comprensión». El xixonés agradeció’l tratu del personal de los hospitales Sant Joan de Deu y Sant Pau «pola so dedicación y tratu».