Un varón finó y un menor d’edá foi rescatáu, pol Grupu de Rescate del Serviciu d’Emerxencies del Principáu d’Asturies (SEPA) na sablera de Xilo en Muros de Nalón.
El Centru de Coordinación d’Emerxencies recibió l’avisu a les 19:42 hores. Na llamada indicóse qu’había un chaval y un home nel agua y teníen problemes pa salir. Nel momentu movilizóse al equipu de rescate del SEPA, a bordu del helicópteru medicalizáu, y a trés efectivos de bomberos del parque de Pravia.
Una vegada na zona, el grupu de rescate alcontró al menor d’edá nunes roques. Un bomberu-rescatador aportó hasta él, por aciu una operación de grúa, y col arnés de mar, sacáronlo del llugar y dexáronlo, al pie de la médica-rescatadora, na sablera de Xilo. El menor presentaba mancadures. De siguío, l’equipu de rescate tornó a la parte de roques que comunica la sablera de Xilo y d’Aguilar pa rescatar a un varón que s’atopaba nes mesmes. En treslladándolo hasta la sablera d’Aguilar nada pudo facese pa salvar la so vida. La Guardia Civil fíxose cargu del llevantamientu del cadabre.
