Un trabayador finó en cayendo d’altor, en circunstancies que se desconocen, cuando realizaben xeres de caltenimientu na chimenea d’una central térmica allugada en La Pereda, en Mieres. Según los datos facilitaos pol Serviciu d’Atención Médica Urxente, el fináu ye un varón d’aprosimao 45 años d’edá. L’home foi atendíu pol equipu médicu de la UVI-móvil de Mieres.
L’afectáu tuvo que ser rescatáu del llugar onde cayó por efectivos de Bomberos del Serviciu d’Emerxencies del Principáu d’Asturies (SEPA) con base nel parque mierense. Cuando los bomberos llegaron al llugar del incidente yá taba ellí la Brigada de Salvamentu Mineru que yá tenía preparáu l’equipu de rescate. La víctima cayó ente 15 y 20 metros dientro de la chimenea principal, qu’en total tien unos 70 metros d’altor. N’inmovilizándolu con collarín y asitia-y una férula espinaral, asitióselu na camiya de rescate de la brigada de salvamentu y evacuala hasta la base de la chimenea.
El Centru de Coordinación d’Emerxencies del 112 Asturies recibió l’avisu a les 11.58 hores. Na llamada indicaben qu’un trabayador cayera d’altor, dende una segunda planta a un primeru dientro de la chimenea de la térmica. La Sala 112 del SEPA pasu l’avisu al SAMU qu’unvió l’equipu médicu de la UVI-móvil de Mieres. Cuando llegaron al llugar los sanitarios solicitaron la presencia de bomberes una y bones nun podíen aportar hasta’l mancáu.
