Un total de 76 persones fueron denunciaes esti martes por incumplir les midíes establecíes nel estáu d’alarma. En concretu, trátase de 58 homes y 18 muyeres, de diverses edaes, 13 d’estes persones son mayores de setenta años. En dellos casos pudieron vese menores de paséu colos so proxenitores. Nel día d’ayeri concretamente, a cuatro menores solos nun bancu charrando, a los que se-yos llevó a casa, y sobre los que se realizaron dos tales actes pa la Fiscalía de Menores.
Amás, denunciáronse dos locales d’hostelería: una confitería, que yá fuera denunciada’l sábadu, y un chigre de la cai Antonio Cachero, nel que s’atopaben ocho persones nel so interior. La Policía Local denunció tanto al local como a les persones que saben nel interior. Dalgunos de los veceros atopábense consumiendo estupefacientes y tabacu, motivu pol que tamién fueron denunciaos. El xerente del local foi espendientáu por tolerar el consumu tantu de tabacu como d’estupefacientes, amás de por otros defectos del local, como escarecer de la cartelería reglamentada, nun presentar llicencia, o tener los estintores caducaos.
