Podemos Asturies defendió esti miércoles 21 de xunu la necesidá de facer frente a la meyora de la derecha y de la ultraderecha y para ello señaló la necesidá de que Asturies cunte con un gobiernu d’esquierdes. Nesi sen, la diputada electa de la formación morada, Covadonga Tomé, señaló que “los y les asturianes precisen un gobiernu estable y progresista pa frenar a la ultraderecha”.
Nuna rueda de prensa, acompañada por Laura Tuero y Xune Elipe, Tomé convidó a la FSA a trabayar “xunto con Convocatoria por Asturies y Podemos” pa llevar alantre esti cometíu y hai que-yos preguntar “si quieren un gobiernu estable que blinde derechos cuando la derecha amenaza dende tolos llaos”. Pa la diputada morada, “nun podemos camudar estabilidá por estancamientu porque, amás, yá hubo estancamientu enforma esta pasada llexislatura y bien poques midíes qu’avanzaren en derechos pa los y les asturianes”.
Per otru llau, Tomé preguntada pelos medios de comunicación sobre la conformanza de la Mesa de la Cámara, señaló que dende Podemos Asturies “vamos lluchar por tar representaos nella” y nesa llinia, aseguró que dicha conformanza “ye’l primer ensayu de la pluralidá del futuru gobiernu, ye l’amuesa de la verdadera disposición o non del Partíu Socialista de tener garantizáu un gobiernu progresista en Asturies”.
Amás, Tomé indicó que va ser el primer indiciu sobre si “l’apueste de Barbón ye un gobiernu estable en mayoría o un gobiernu en minoría dependiente n’última instancia de los socios de Vox”.
