Esti xueves 26 d’abril presentóse la XXX edición del Campeonatu Oficial d’Escanciadores d’Asturies, na sede del Conseyu Regulador de la DOP Sidra d’Asturies (Villaviciosa). L’actu foi empuestu pol xerente de la entidá, Daniel Ruiz; el presidente de l’Asociación d’Escanciadores y coordinador del campeonatu, Saúl Moro; la teniente alcalde del conceyu de Villaviciosa, Rocío Vega; y el responsable de Mediu Rural de Caxa Rural d’Asturies, Javier Nievas.
Nesta edición, el campeonatu va componese de 20 pruebes, y como novedá va recuperase’l concursu en llocalidaes como Uviéu y Nava, coincidiendo nesta postrera col Festival de la Sidra. Tamién s’incorpora una nueva sede, Tazones, impulsada pola asociación d’hosteleros de dicha llocalidá.
