El Boletín Oficial del Principáu (Bopa) publica güei la convocatoria d’una llinia d’ayudes de la Conseyería de Presidencia, dotada con 80.000 euros, pa subvencionar en réxime de concurrencia competitiva actividaes destinaes a la recuperación, l’espardimientu y la conocencia de la memoria democrática d’Asturies.
Les ayudes destínense a entidaes ensin ánimu d’arriquecimientu que participen en proyectos o iniciatives centraes en dalgún de los siguientes supuestos:
– Investigar, alcontrar y desaterrar fueses de la guerra civil y la dictadura allugaes na comunidá.
– Arrexuntar, caltener y espublizar patrimoniu documental escritu, oral, audiovisual o intelectual venceyáu a la memoria democrática.
– Realizar estudios ya investigaciones relatives a la recuperación de la memoria democrática y a la reconocencia moral de les víctimes de la guerra civil y la dictadura.
Podrán presentase tanto proyectos empecipiaos en 2021 como otros previstos para anguaño.
Les subvenciones van tener un importe máximu de 6.000 euros per entidá solicitante. La cuantía de l’ayuda va determinar en función del presupuestu aceptáu y proporcionalmente a la puntuación llograda según los criterios de valoración establecíos nes bases de la convocatoria.
