Nel centru de titularidá pública ‘La Mixta’ de Xixón empecipióse la segunda dosis de la vacuna contra’l Covid-19. Esta segunda dosis preciede a la yá empecipiada’l pasáu 27 d’avientu cuando s’entamó la campaña de vacunación en tol estáu.
Según dellos trabayadores y usuarios de la residencia, el procesu d’esta mañana y de l’anterior vez trescurrieron con normalidá, «ensin nengún tipu d’incidencies», señala Lara Menéndez, enfermera d’Atención Primaria de la Área Sanitaria. La profesional destaca tamién «que salió too bien magar que ye daqué que nunca fixeren». Nun se rexistró nengún efectu adversu importante n’área V, aprofia la profesional, y anima a tola población a vacunase pa inmunizarse. Valora tamién les ganes de la segunda vacuna porque en siete díes yá podrá dicise que estos trabayadores y residentes van tar inmunizados».
Socorro Mancebu, técnicu auxiliar de cuidaos nun despintó la so ilusión y esperanza énte esta segunda ronda de vacunación porque cree «más qu’una opción ye una solución».
Tamién dos residentes piden precuru a la población y que se vacunen pa evitar la rápida espansión del virus.
