PSOE y Ciudadanos descarten un alcuerdu d’investidura

Esti ye'l primeru de los conceyos convocaos polos socialistes coles fuerces polítiques que llograron representación tres les elecciones municipales

0
720
PSOE y Cs descarten un alcuerdu d'investidura que faiga a Ana González alcaldesa. / PSOE
PSOE y Cs descarten un alcuerdu d'investidura que faiga a Ana González alcaldesa. / PSOE

PSOE y Ciudadanos (Cs) descarten un alcuerdu que se traduza nun sofitu per parte de la formación naranxa a la investidura d’Ana González como alcaldesa de Xixón. Ye la principal conclusión del conceyu manteníu esti xueves pela tarde entre dambes formaciones. La xunta foi «cordial» y nella dambes fuerces polítiques manifestaron la so disposición a «practicar un diálogu constructivu». Los dos partíos sí manifestaron la so disposición a adoptar alcuerdos puntuales a lo llargo del mandatu y a siguir dialogando.

Trátase de la primera de les xuntes de la ronda prevista pol PSOE, empezando pola segunda fuerza más votada nes elecciones municipales del domingu y en sentíu descendente. La comisión negociadora de l’Agrupación Municipal Socialista de Xixón ta integrada pol secretariu xeneral, Iván Fernández Ardura, el vicesecretariu xeneral, Francisco Blanco, el secretariu d’organización, Roberto Lena, y el númberu trés de la candidatura municipal, Natalia González. Per parte de Ciudadanos asistieron los cuatro conceyales electos, José Carlos Fernández Sarasola, Rubén Pérez, Ana Isabel Menéndez y Mara Simal.

Ana González podría ser investida alcaldesa llogrando la mayoría absoluta de los votos  o con una mayoría simple al ser la llista más votada. La candidata tien previsto siguir la ronda de contactos col grupos que van constituyir el próximu Plenu sacante Vox. «Somos formaciones antagóniques».