Bomberos del Serviciu d’Emerxencies del Principáu d’Asturies , con base nos parques de Cangues d’Onís y Llanes, apagaron la quema declarada nel primer pisu d’un inmueble de trés plantes allugáu na carretera xeneral d’Arenas, en Cabrales.
El fueu xamuscó por completu la cocina d’un pisu allugáu na primer planta del edificiu. El restu del edificiu, un edificiu de trés altores con un total de seis viviendes resultaron afectaes pol fumu. Una persona treslladóse polos sos propios medios al centru de salú afectada leve por inhalación de fumu. Los inquilinos del inmueble, toos d’arriendu, fueron reasitiaos pol dueñu d’este nun hotel de la so propiedá.
