Efectivos de Bomberos del Serviciu d’Emerxencies del Principáu d’Asturies (SEPA) con base nos parques d’Avilés y Pravia escastaron, esta nueche, la quema declarada nuna vivienda unifamiliar, de dos llantes, allugada na localidá de Piarnu, en Castrillón. El fueu xamuscó’l teyáu de la casa y tamién resultaron afectaos los teyaos d’otros dos amiestes. Amás, tamién quemó’l segundu pisu del inmueble onde s’anició’l fueu.
El Centru de Coordinación d’Emerxencies del 112 Asturies recibió l’avisu a les 22.40 hores d’ayeri domingu. Na llamada indicaben que taba quemando una vivienda de dos altores con cases amiestes. El so dueñu nun taba na casa.
A les 00.31 hores los bomberos dieron por controlada la quema y permanecieron nel llugar realizando xeres d’enfriamientu y desescombru hasta les 02.00 hores que la dieron por desaniciada y tornaron a les sos respectives bases.
